Norðurlendska meistarastevnan hevur gingið væl

Í gjár setti Vár Erlingsdóttir Eidesgaard tvey nýggj føroysk met. Eitt í 200 metrum frí við tíðini 2:02.18. Sára Nysted átti metið áðrenn, sum var 2:02.60. Síðani eitt met í 100 metrum frí við tíðini 56.98 sekund, og har átti Vár sjálv metið áðrenn, og hon gjørdist við tí metinum eisini fyrsta føroyska kvinnan undir 57 sekund á 100 metra teininum.

Umframt Vár hevur Signhild Joensen eisini sett tvær ferðir føroyskt met í 100 metra ryggsvimjing fyrradagin, og í kvøld setti hon føroyskt met og vann gull í 200 metrum rygg. Óli Mortensen setti nýtt persónligt met og vann gull í 1500 metra frísvimjing fyrradagin.

Anita Ryggshamar Nysted, næstforkvinna í Svimjisambandi Føroya, er væl nøgd við úrslitini hjá svimjarunum.