Kvinnurnar vunnu stafettina eftir spennandi endaspurt

Føroysku kvinnurnar svumu seg til eitt gullheiðursmerki í 4x50 blandað í dag. Tær settu samstundis nýtt landsliðsmet við tíðini 1:54.49. Tað er meira enn tvey sekund skjótari enn undanfarna landsliðsmetið.

Tær, sum svumu, vóru Elisabeth Erlendsdóttir úr Havnar Svimjifelag, Bjarta í Lágabø úr SuSvim, Lea Osberg Højsted úr Ægir og Alisa Vestergård úr SuSvim. Fyri Elisabeth Erlendsdóttir var tað eisini eitt met í ryggsvimjingini. Hon svam fyrstu 50 metarnar uppá 28.03 sekund. 

Tað stóð nógv á, tí tað stóð næstan á jøvnum, tá Alisa Vestergård leyp í hilin at svimja seinastu 50 metarnar. Hon var sannførd um, at hon fór at vinna, men ásannaði eisini, at hon visti ikki um hon hevði vunnið, tá hon kom á mál.

Hetta var annað gullheiðursmerki á degnum hjá svimjingini. Hitt gullheiðursmerikið vann Elisabeth Erlendsdóttir í 50 metur rygg.