Aksel álit á Høgna og Fiskimálaráðnum

Tað viðgongur Aksel V. Johannesen, løgmaður, sum fyrrapartin var avhoyrdur av kanningarstjóranum. 

Hann viðgongur eisini, at kanningarstjóramálið hevur skundað undir broytingarnar í Fiskimálaráðnum, so viðurskiftini fáast í rættlag.

Løgmaður sigur seg hava fult álit á Høgna Hoydal, landstýrismanni:

- Eg havi álit á Høgna Hoydal, annars hevði hann ikki sitið sum landsstýrismaður, sigur hann millum annað við útvarpið.

Hoyr samrøðuna við Aksel V. Johannesen omanfyri. 

Frágreiðing liðug í vár

Kanningarstjórin Kristina Samuelsen er nú liðug við tær avhoyringarnar skulu gerast. Hon hevur biðið um innlit í nøkur skjøl  aftrat, og fer síðani at skriva frágreiðingina. 

Kristina Samuelsen sigur seg rokna við at frágreiðingin verður latin løgtinginum í vár.