Kommunulæknin fekk eitt ára fongsulsrevsning

Fyrrverandi kommunulæknin, sum í fjørð varð dømdur hálvtannað ára fonguslrevsing fyri at gera seg inn á 10 kvinnur, er nú dømdur í 1 árs fongsulsrevsing í landsrættinum.

Hann skal rinda endurgjald til kvinnurnar og missur fyribils rættin at virka sum lækni. Fyribils, tí tað ikki er rætturin, sum skal avgera, hvørt kommunulæknin kann virka sum lækni ella ikki. Tað ger rættarlæknaráðið, sum er undir Sundhedsstyrelsen.

Ein av kvinnunum, sum hann er dømdur fyri í Eystara Landsrætti, var hann annars frídømdur fyri í Føroya rætti.

Kommunulæknin er eisini dømdur fyri embætismisnýtslu.