Ikki trygg íløga hjá LÍV

Tí má tað metast sum ein váðarík íløga, sum LÍV er farið undir. Tað sigur Poul Christoffur Thomassen, aktuarur og fyrrverandi stjóri í LÍV.

Poul Christoffur Thomassen, aktuarur og fyrrverandi stjóri í LÍV, sigur, at tað er ikki óvanligt, at eftirlønarfeløg gera íløgur í fastogn, men at tað samstundis er ein váði at gera íløgur í eitt hotel, tí tað er ein íløga, sum hevur lága umsetiligheit.

Poul Christoffur Thomassen sigur, at íløgan kann metast sum at verða váðarík í tann mun, at um fortreytirnar ikki halda, so er torført at koma úr henni aftur.

Vanliga mannagongdin er tann, at eftirlønarfeløg fíggja stórar verkætlanir, heldur enn at standa sum eigari. Við at fíggja verkætlanum, fær ein pening inn leypandi, meðan váðin er størri við at veita eginpening.

Hoyr samrøðu við Poul Christoffur Thomassen omanfyri.