- Einki disiplinermál reist móti Bjarna Hammer

Jógvan Páll Lassen, advokatur hjá Bjarna Hammer, sigur, at fyri teirra viðkomandi er málið nú liðugt.

John Kølbæk, fúti, sigur í samrøðu við heimasíðuna in.fo í dag, at teir nú skulu taka støðu til disiplinersakina og um grundarlag er fyri henni.

Jógvan Páll Lassen kennir seg tó vísan í, at Bjarni Hammer hevur einki skeivt gjørt, og tí verður eingin disiplinersak reist. 

- Málið er liðugt nú. Tað sum Sosialurin blásti upp, har var einki aftanfyri, og nú royna tey at halda gongd í søguni við, at nú skal disiplinersak verða. Men tað verður heldur eingin disiplinersak, tí her er einki disiplinert farið fram, sigur Jógvan Páll Lassen millum annað.

Jógvan Páll Lassen sigur, at málið byrjar við, at nakrir persónar saman við Sosialinum vildu fella Bjarna Hammer vegna hansara politisku sannføring um fiskivinnunýskipanina.

- Har er einki at koma eftir, sigur hann standfast.

Hoyr samrøðuna við Jógvan Páll Lassen omanfyri.