Nógvar royndir og altjóða netverk góvu starvið

Gunn Hernes er fødd og uppvaksin í Noreg, og hon hevur útbúgving á mentanarøkinum, sum hon tók í Telemark.

Hon hevur eisini skeið í mentan og list, sum hon hevur nomið sær í Danmark.

Sif Gunnarsdóttir, sum hevur verið stjóri í Norðurlandahúsinum síðani í januar 2013, fer til Íslands aftur um tvær vikur.

Hon fer í starv sum skrivstovustjóri á mentanardeildini hjá Reykjavíkar kommunu.

Til Gunn Hernes kemur 1.juni, verður Jákup Samuelsen, fíggjarstjóri, eisini stjóri í Norðurlandahúsinum.

55 umsóknir vóru til starvið sum stjóri í Norðurlandahúsinum.

Tær vóru úr øllum Norðurlondunum, millum teirra vóru tríggjar úr Føroyum.