Henrik Old raðfestir Fámjinstunnilin fremst

Tá fíggjarlógin fyri 2018 varð samtykt fyri jól, segði meirilutin í fíggjarnevndini, at tunnilstoymið skuldi raðfesta Dalstunnilin fyrst og síðani Tjørnuvíkartunnilin.

Men tann orðingin heldur landsstýrismaðurin í samferðslumálum, Henrik Old, ikki vera bindandi.

Henrik Old bað um 7 milliónir krónur til tunnilstoymið. Hann heldur, at tað er rættast at byrja við Fámjinstunlinum, og so má tunnilin í Dali bíða. 

Tunnilin til Fámjins skal eftir ætlan verða liðugur longu næsta ár.