- Eitt val nú er eingin loysn

09.04.2018 - 12:13
Innlendis›Politikkur
- Eitt val nú er eingin loysn
Tað sigur fyrrverandi formaðurin í Javnaðarflokkinum og fyrrverandi løgmaður, sum heldur, at samgongan skal sita alt valskeiðið

Hóast samgongan ikki hevur meiriluta í løgtinginum, eigur hon at sita alt valskeiðið, sum endar 31.august næsta ár. Tey eru ráðini frá fyrrverandi formanni Javnaðarfloksins og fyrrverandi løgmanni til eftirmannin í teimum báðum sessunum.

Jóannes Eidesgaard tók orðið á landsfundinum hjá Javnaðarflokkinum, sum var í Klaksvík leygardagin tann 7. apríl. Hansara ráð til eftirmannin, Aksel V. Johannesen, eru greið.

- Tí var mín áheitan, at hann helt fast og stýrdi fram við einari minnilutasamgongu, tí at útlitini at dyrka ein meiriluta fram fyri uppskotinum í sitandi tingi eru absolutt til staðar, serliga nú tá vit fingu eina útmelding frá Magna Laksáfoss, um at hann eisini er leysgangari, sigur Jóannes Eidesgaard millum annað um støðuna hjá Javnaðarflokkinum. 

Nýval eingin loysn

Eitt val nú er eingin loysn, sigur Jóannes Eidesgaard.

Hann tók orðið á landsfundinum millum annað fyri at minna fólk á, hví tey eru í løgtinginum og fyri at vísa sítt álit til sitandi leiðslu í flokkinum.

Øll uttan trý tingfólk, Høgni Hoydal, Sonja Jógvansdóttir og Aksel V. Johannesen- tey fingu flestar atkvøður í 2015 -  kunnu takka flokki sínum fyri tingsessin.

Finna stevið aftur eftir valið

Jóannes Eidesgaard heldur ikki, at floksformaðurin eigur at gera nakað við støðuna í flokkinum nú, men heldur bíða til eftir komandi løgtingsval. 

- Upp á eitt ella annað tíðspunkti skulu vit hava eitt løgtingsval, og tá kann man gera reint borð og vaska talvuna reina og so finna eitt nýtt stev innanhýsis í flokkinum, sigur hann millum annað og leggur afturat, at málið ikki kann loysast her og nú. 

Jóannes Eidesgaard segði seg síggja ein vilja á landsfundinum til at arbeiða víðari og rætta viðurskiftini upp. 

- Tí ivist eg heldur ikki í, at tað fer ikki at skorta upp á at finna góð valevni til eitt komandi løgtingsval. 

Hoyr brot úr samrøðuni við Jóannes Eidesgaard omanfyri. 

 
Er kopiera
Nýggjastu sendingar í ÚV
Fríggjadag 20. november
Breddin: Leigubústaðir og skattafyrimunir
216730
Fríggjadag 20. november
Beinleiðis úr Studio 5 - Nettup
216723
Fríggjadag 20. november
RagnarRokk:Chris Flynn um Dreams of the Disappeared
215804
Hósdag 19. november
RagnarRokk 19.november 2026
216177
Nýggjastu sendingar í SV
Fríggjadag 20. november
Dagur og vika - teknmálstulkað
216714
Hósdag 19. november
Veðrið
216688
Hósdag 19. november
Silja millum strokini
216631
Mikudag 18. november
Dagur og vika - teknmálstulkað
216592
Týsdag 17. november
Veðrið
216565