Olga Maria til fiskiskap aftur mikudagin

Trolbáturin, Olga Maria, verður klár at fara til fiskiskap aftur longu seinnapartin mikudagin. 

Olga Maria var á veg inn á Leirvík við góðum 80-túsund pundum av góðum, tá hon mikudagin í síðstu viku sigldi á land norðanfyri Líðarmunnan í Kalsoynni. Báturin slapp sjálvur av aftur og sigldi til lands at kanna skaðan. 

Gulak Gulaksen er reiðari og skipari á Olgu Mariu, at tað var eitt sindur av skaða á bátinum, men at tað ikki var so umfatandi. Gulak Gulaksen væntar tí, at báturin verður klárur til fiskiskap mikudagin. 

Hoyr samrøðu við skiparin omanfyri.

Olga Maria fer væntandi aftur til fiskiskap mikudagin, og tá verða fimm mans við.