Fara ikki at hækka skuldarloftið

Eldraøkið er lagt út til kommunurnar at umsita, og tí hava kommunurnar ført fram ynski um at hækka skuldarloftið við áleið 30 prosentum, sum svarar til íløgutørvin á eldraøkinum.

Men Fíggjarmálaráðið fer ikki at hækka skuldarloftið hjá kommununum. Tað sigur landsstýriskvinnan í fíggjarmálum.

Kommunurnar kunnu lána upp til eina álíkning, og sum støðan er í løtuni, so er eingin kommuna, sum er omanfyri skuldarloftið.

Sambært tølum frá Fìggjarmálaráðnum er rásarúmið fyri samlaðum kommunalum íløgum stórt í løtuni. Samlað kunnu kommunurnar kring landið lána 1.859 mió. kr.