Heðin: Almenna rúmið í Saksun skal víðkast

Sunda Kommuna roynir nú at finna eina loysn fyri ferðavinnuna í Saksun. Almenna rúmið skal víðkast, soleiðis at tey ferðandi fáa betri møguleika at ferðast í bygdini, uttan at ganga inni á lendinium hjá bóndunum í bygdini.

- Og so verður tað upp til bóndurnar at skipa ferðavinnutilboð í bygdini, sigur Heðin Zachariasen, borgarstjóri.

Í dag eiga festibóndurnir at kalla alt lendið í Saksun. Nú skulu okkurt um 2000 fermetrar av hesum lendi gerast til alment øki, sum Sunda Kommuna antin keypir ella leigar.

- Á henda hátt skapar kommunan neyðugu karmarnar, sigur Heðin Zachariasen, borgarstjóri.

Samstundis sum kommunan - við at víðka sonevnda "almenna rúmið" í Saksum skapar karmarnar - so sigur kommunan seg vera samd við báðar bóndurnar í bygdini um, at tað vera teir, sum sjálvir fara at skapa ferðavinnutilboð í bygdini.

Í ferðavinnupolitikkinum hjá Sunda Kommunu skulu Saksun, Gjógv og Tjørnuvík raðfestast sum ferðavinnuøki næstu trý árini. Fyrstu átøkini í Saksun skulu gerast í ár - men enn er ov tíðliga at siga, hvat hesi átøk fara at kosta kommunukassanum, sigur Heðin Zachariasen.

Hoyr samrøðu við Heðin Zachariasen við at trýsta á pílin undir myndini.