Lógarbroytingar gera nevnd arbeiðsleysa næsta ár

Broytingar í lógini um heimatænastu og eldrarøkt skal gera av við allan iva um, hvør eigur ávís fólk, landið ella kommunurnar.

Almannamálaráðið hevur tikið niðurstøðurnar hjá Markamótsnevndini við í lógaruppskotið, sigur Eyðgunn Samuelsen, landsstýriskvinna, sum vónar, at nevndin verður óneyðug í framtíðini.

Markamótsnevndin ger niðurstøður í ósemjum millum landið og kommunurnar um, hvør skal gjalda fyri fólk, sum lógin frá 2015 umfatar.

Lógaruppskotið er til hoyringar til 14.september.

Ætlanin er at leggja lógaruppskotið fyri løgtingið í vetur, soleiðis, at broytingarnar koma í gildi 1.januar 2019.