Trot á vinnuligum bussførarum

Nú trot er á vinnuligum bussførarum, mælir Hans Jacob Hermansen, koyrilærari til, at útbúgvingin verður endurskoðað.

Fleiri mugu eggjast til at fáa sær vinnuligt busskoyrikort, og so eigur eitt hámark at setast fyri, hvussu leingi bussførarar hava loyvi at koyra uttan at steðga.

Hans Jákup Hermansen heldur, at fyri at bøta um støðuna og fáa fleiri bussførarar, er fyrst og fremst neyðugt at broyta útbúgvingina. 

Skalt tú taka vinnuligt busskoyrikort í Føroyum, skalt tú verða 21 ár, og frammanundan bæði hava vanligt koyrikort, stóra koyrikortið og busskoyrikort. Harafturat skal tú javnan hava koyrt stóran bil yvir 5 tons í eitt ár innan fyri eitt trý ára skeið.

Men í Danmark og í londunum rundan um okkum eru krøvini ørðvísi. Í Danmark skalt tú eisini verða 21 ár, men tú skalt bara hava koyrikort til vanligan bil - og ikki til lastbil og buss sum í Føroym. 

Hetta ger møguliga, at fólk fara til Danmarkar at taka útbúgvingina, heldur Hans Jákup Hermansen, og tí áttu krøvini til fólk, sum ætla at taka vinnuligt bussførarakoyrikort, at líkst meira krøvunum í grannalondunum, heldur hann.

Hans Jákup Hermansen vísir eisini á, at eitt hámark skal setast yvir, hvussu leingi bussførarar kunnu koyra.