Letlendsk hús skulu minka um bústaðartørvin

Hús úr Letlandi skulu vera við at minka um bústaðartørvin í Føroyum.

Felagið Brigadahús, er so smátt farið til verka, og ætlanin er, at fyrstu húsini verða sett upp á Kambsdali fyrst í nýggja árinum. 

- Eg havi ordrar aðrastaðni frá í Føroyum eisini, so tað er sera spennandi, sigur Beinir Nolsøe, sum er  stigtakari til ætlanina.

Húsini verða gjørd sum elementir í Letlandi, og verða síðani flutt til Føroya, har tey verða sett upp.

Alt sum hoyrir til húsini kemur úr Letlandi, og tí er talan um kappingarførar prísir, sigur Beinir Nolsøe Olsen og leggur afturat, at málið er at hava selt 25 hús, tá árið 2019 er liðugt.