Sjóvinnustýrið verður bygt á Giljanesi

Nýggi bygningurin til Sjóvinnustýrið, sum eftir ætlan skal byggjast á Giljanesi, er ein av íløgunum, sum verður drýggjað í fíggjarlógini fyri 2019.

Hetta hevur elvt til gitingar um, at Sjóvinnustýrið ikki flytir aftur í Vágar.

Men Ingolf S. Olsen, sum er tingmaður fyri Tjóðveldi og býr í oynni, vissar øll vágafólk um, at Sjóvinnustýrið flytir aftur í oynna. Tað ætlar hann at tryggja sær við at staðseta nýggja bygningin til Sjóvinnustýrið í sjálvari verklagslógini.

Ingolf S. Olsen hevur eisini fingið tilsøgn frá landsstýrismanninum í vinnumálum, Poul Michelsen, at staðsetingin hjá Sjóvinnustýrinum verður ikki broyt.

Samstundis skilir tjóðveldistingmaðurin væl, at nógv vágafólk óttast, at Sjóvinnstýrið ikki flytir aftur til Vágar.