Fara nú at samráðast um avloysaraskipið

Strandferðslan fer nú at samráðast við norsku skipasmiðjuna, sum skal smíða nýggja avloysaraskipið.

Løgtingið samtykti fríggjadagin lógina um avloysaraskipið og uppskotið um 16 milliónir krónur í eykajáttan til Strandferðsluna.

Skipið verður mett at kosta tilsamans 34 milliónir, og tað verður eftir ætlan liðugt um eitt ár. Hinar 18 milliónirnar verða játtaðar í 2019.

Skipið skal m.a. verða tøkt á Fugloyarleiðini, um neyðugt verður at taka Rituna úr siglingini, men fugloyingar halda ikki, at tríkiljan er egnað til ta farleiðina.

Hilmar Eliasen, stjóri á Strandferðsluni, sigur, at skipakøn fólk á Strandferðsluni hava roynt slíkar tríkiljur í Noregi, og tær roynast sera væl.

Strandferðslan ætlar eisini at kunna meiri um nýggja avloysaraskipið, sigur hann.