Tekur enn undir við fíggjarlógaruppskotinum

Magni Laksáfoss er avgjørdur tá hann í gjárkvøldið varð spurdur, um hann fer at taka undir við fíggjarlógaruppskotinum hjá samgonguni.

- Tað fari eg, sigur hann. 

Magni Laksáfoss hevði millum annað fingið lovað stuðul til uppskotið um broyting í rúsdrekkalógini, skuldi hann taka undir við fíggjarlógini. Tá samanumkom fall uppskotið.

Samráðingar vóru millum Magna Laksáfoss og samgonguna í gjár, og tá samanumkom varðveitti samgongan atkvøðuna.

- Vit hava sitið á fundi og prátað saman, og vit hava gjørt nakrar tillagingar í semjuni, soleiðis at báðir partar kunnu vera nøgdir við semjuna, segði Magni Laksáfoss í gjár. 

Samgongan arbeiðir í løtuni við at avgreiða álitið um fíggjarlógina. Sum skilst verður álitið lagt fram í dag.