- Avloysaraskipið kann brúkast á øllum leiðum

Avloysarabáturin hjá Strandferðsluni kann brúkast til allar leiðir í Føroyum - eisini smáu oyggjarnar. 

Tað sigur Hilmar Eliasen, stjóri á Strandferðsluni, nú funnist verður at avloysarabátinum fyri at vera ov stórur til summar leiðir og ov lítil til aðrar.

Andstøðutinglimir eru ónøgdir

Sáttmálin um at byggja ein nýggjan avloysarabát til Strandferðsluna verður væntandi undirskrivaður hálvan januar.

Tinglimir úr andstøðuni hava funnist at honum, tí hann tekur bara tríggjar bilar.

Ein onnur atfinning er, at hann heldur ikki hóskar til smærru oyggjarnar.

Kann brúkast á øllum leiðum

Avloysarabáturin kann brúkast á øllum leiðum - eisini teimum smáu. Tað hevur Strandferðslan kannað, sigur Hilmar Eliasen.

Orsøkin til, at avloysarabáturin er lítil, er júst at hann skal hóska til smáu oyggjarnar.

Og Strandferðslan hevur brúk fyri eini skjótari loysn.

Hoyr samrøðu við Hilmar Eliasen omanfyri.