Tað er vorðið dýrari og dýrari at fylla sær tangan.<br/>
Bensinprísurin er farin upp á 15 krónur og 56 oyru fyri liturin, og diesel kostar16 krónur og 38 oyru fyri liturin. Og at hita sær húsini kostar nú 13.725 krónur fyri 1000 litrar av olju, keypir tú frá Effo ella Magn.<br/>
Í vár segði samgongan, at brennievni til bilar var so dýrt, at neyðugt var at strika meirvirðisgjaldið á bensini og dieseli í tríggjar mánaðir fyri at veita fólki stuðul, sum vóru illa sperd fíggjarliga.<br/>
Nú er prísurin farin enn longri upp. <br/>
Men ætlar samgongan at gera nakað fyri at lætta um hjá føroyingum?<br/>
Politiskt orðaskifti var í seinnu helvt av sendingini millum Helga Abrahamsen, formann í fíggjarnevndini, og Eirikur í Jákupsstovu, tingmann fyri Tjóðveld.<br/>
Vertur: Frants Jensen, sum eisini er redaktørur.