Handilssáttmáli kemur fyri Hoyvíkssáttmálan

Føroyar eiga ongantíð at taka fiskivinnuna upp í handilssáttmálar, sigur Poul Michelsen, landsstýrismaður.

Føroyar hava sagt Hoyvíkssáttmálan við Ísland upp.

Tað varð avgjørt á stuttum landsstýrisfundi fyrrapartin nýggjársaftan.

Hann er nú galdandi í ár afturat fyri allar avtalur uttan ta einu, sum er avtalan millum Samherja og Framherja. 

Ein handilsavtala kemur fyri Hoyvíkssáttmálan, ivast Poul Michelsen ikki í, so tað er eingin ólukka, at Hovíkssáttmálin er sagdur upp.

Ísland krevur endurgjald, tí felagið Samherji noyðist úr føroyska fiskiskipaflotanum.

Endugjaldsspurningurin kann roynast í rættinum ella avgreiðast við samráðingum, sigur Poul Michelsen.

Ísland vildi ikki taka fiskivinnuna úr sáttmálanum, sum Føroyar skutu upp.

Sambært lógini um sjófeingi skal íslendskur peningur úr føroyskum fiskiskipum í seinasta lagi 1.januar 2025.

Men tað ber ikki til, um Hoyvíkssáttmálin er galdandi.

Hoyvíkssáttmálin er frá 2005.