- Best fyri politiska friðin

Í gjár kom fráboðan frá Rigmor Dam, táverandi landsstýriskvinnuni í mentamálum, har boðað varð frá, at Rigmor Dam hevur biðið løgmann loysa seg úr starvi. 

Fráboðanin kemur í kjalarvørinum av byggigøluni í samband við byggingina av skúladepilinum við Marknagil. 

Rigmor Dam segði við útvarpstíðindini í gjár, at alt álitið millum Landsverk og mentamálaráðið nú er horvið, og fyrrverandi landsstýriskvinnan legði eisini Landsverk undir at hava afturhildið upplýsingar.

Aksel V. Johannesen, løgmaður, sigur, at nú tað eisini er greitt, at fleiri rokningar eru komnar undan kavi í samband við skúlabyggingina í Marknagili, er best, at Rigmor Dam fer frá sum landsstýriskjvinna í Mentamálum fyri at fáa politiskan frið.

Løgmaður tvíheldur tó um, at Rigmor Dam einki skeivt hevur gjørt í samband við skúlabyggingina í Marknagili.

Hoyr samrøðu við løgmann omanfyri.