- Vænti løgmaður velur nevndirnar umaftur

- Eg gangi út frá at løgmaður heldur sítt lyfti og velir allar løgtingsnevndirnar av nýggjum, soleiðis at Ruth Vang aftur gerst forkvinna í fíggjarnevndini.

Soleiðis segði Poul Michelsen stutt eftir, at fíggjarnevndarfundurin í morgun var av, og tað var greitt, at Bárður á Steig Nielsen er nýggjur formaður í fíggjarnevndini.

Sambært Poul Michelsen hevur ikki bara løgmaður men eisini samgongan lovað, at Framsókn varðveitir formanssessin, skuldu nevndirnar verða valdar av nýggjum.

Bárður koppaði Ruth

Í morgun varð loksins kallað inn til fund í fíggjarnevndini, og á skránni var millum annað val av formanskapi.

Ruth Vang stóð til at fáa ein meiriluta ímóti sær, tí síðani seinasta fund er Kristin Michelsen koyrdur úr tingbólkinum hjá Javnaðarflokkinum, og tí hevði samgongan ikki meirilutan longur, um Kristin velur at leggja saman við andstøðuni í nevndini.

Og so bleiv eisini í dag. Andstøðutinglimirnir í fíggjarnevndini, Jacob Vestergaard, Bárður á Steig Nielsen og Bill Justinussen fingu við hjálp frá Kristini Michelsen koppað Ruth Vang og valt nýggjan formann - Bárður á Steig Nielsen.

Hoyr samrøðu við Poul Michelsen omanfyri.