Bárður á Steig Nielsen formaður í fíggjarnevndini

25.01.2019 - 10:38
AktueltPolitikkur
Bárður á Steig Nielsen formaður í fíggjarnevndini
Á fíggjarnevndarfundinum í morgun varð Ruth Vang feld sum forkvinna í fíggjarnevndini. Nýggi formaðurin er Bárður á Steig Nielsen
 

Bárður á Steig Nielsen er nýggjur formaður í fíggjarnevndini hjá løgtinginum, eftir at fíggjarnevndin loksins hevði fund í morgun.

Ruth Vang, fyrrverandi forkvinna í fíggjarnevndini, segði annars fyri tveimum vikum síðani, at hon ikki setti nakran fund á skrá, so leingi sum støðan í nevndini var so ógreið.  

Mikudagin í síðstu viku heitti nýggi meirilutin í nevndini - tað eru Bárður á Steig Nielsen, Jacob Vestergaard, Kristin Michelsen og Bill Justinusen - á Ruth Vang um at seta fund á skrá millum annað við tí fyri eyga at velja nýggjan formann í nevndini.

LES EISINI: Andstøðuumboðini vilja hava nýggjan formann

Og í morgun varð loksins kallað inn til fund, og á skránni var millum annað val av formanskapi.

Ruth Vang stóð til at fáa ein meiriluta ímóti sær, tí síðani seinasta fund er Kristin Michelsen koyrdur úr tingbólkinum hjá Javnaðarflokkinum, og tí hevði samgongan ikki meirilutan longur, um Kristin velur at leggja saman við andstøðuni í nevndini.

Og so bleiv eisini í dag. Andstøðutinglimirnir í fíggjarnevndini, Jacob Vestergaard, Bárður á Steig Nielsen og Bill Justinussen fingu við hjálp frá Kristini Michelsen koppað Ruth Vang og valt nýggjan formann - Bárður á Steig Nielsen. 

Er kopiera
Nýggjastu sendingar í ÚV
Leygardag 10. apríl
Morgunlesturin leygarmorgunin 10. apríl 2021
122311
Fríggjadag 9. apríl
Morgunlesturin fríggjamorgunin 9. apríl 2021
122310
Hósdag 8. apríl
RagnarRokk 8.apríl 2021
122286
Hósdag 8. apríl
RagnarRokk:Blaze Bayley um War Within Me
122285
Hósdag 8. apríl
RagnarRokk: Mark Jansen um Omega
122284
Nýggjastu sendingar í SV
Mikudag 7. apríl
í Luftini við KATA
122549
Mikudag 7. apríl
í Luftini við Son of Fortune
122548