Fekk villleiðandi upplýsingar frá løgmanni

12.04.2019 - 12:58
InnlendisPolitikkur
Fekk villleiðandi upplýsingar frá løgmanni
Aksel V. Johannesen, løgmaður bar løgtingsgrannskoðarunum skeivar upplýsingar frá fyrrverandi landsstýrismanninum í samferðslumálum
0 seconds of 0 secondsVolume 90%
Press shift question mark to access a list of keyboard shortcuts
00:00
00:00
00:00
 
Partamaður løgmans og formaðurin fyri løgtingsgrannskoðararnar, Jónleif Johannesen hevur fingið skeivar upplýsingar frá løgmanni, sum eisini er hansara floksformaður
Mynd: savnsmynd  

Upplýsingarnar frá Akseli V. Johannesen, løgmanni til løgtingsgrannskoðararnar vóru villleiðandi.

Tað viðurkennir Jónleif Johannesen, formaður fyri løgtingsgrannskoðararnar, nú Landsgrannskoðanin hevur handað teimum lemjandi atfinningarsama frágreiðing um fíggjarliga óskilið undir skúlabyggingini í Marknagili.

Allir partar hava svikið í málinum, verður staðfest, og eisini bar løgmaður skeivar upplýsingar til løgtingsgrannskoðararnar frá Henriki Old, táverandi landsstýrismanni í samferðslumálum.

Landsgrannskoðarin sigur soleiðis í frágreiðingini, sum løgtingsgrannskoðararnir viðgera í Elduvík í dag:

"Løgtingsgrannskoðararnir spurdu løgmann í september 2017, nær hann væntaði, at
frágreiðing um átøk og møgulig uppskot til lógarbroytingar fóru at verða løgd fyri Tingið.

Løgmaður svaraði í juni í 2018, og vísti til tað, ið landsstýrismaðurin í samferðslumálum
mælti til í skrivi til løgmann 16. apríl 2018.

Í skrivinum segði landsstýrismaðurin m.a., at eftirlitsskipanin SEYF, sum varð brúkt í
sambandi við byggiverkætlanirnar, ið Landsverk umsat, hevði roynst væl, síðani hon
varð tikin í nýtslu, og at hon varð brúkt til allar íløgur, sum Landsverk umsat fyri aðalráð og Løgtingið.

Eftir kanningunum, ið Landsgrannskoðanin hevur gjørt, er tað ikki rætt, at SEYF hevur
verðið brúkt og “roynst væl” síðani 2013/2014, í øllum førum tá ið um Skúladepilin við
Marknagil ræður".

Jónleif Johannesen, formaður fyri løgtingsgrannskoðararnar varð tí spurdur, hvat hann ger við villleiðandi upplýsingarnar í tíðindunum á middegi.

Trýstið á pílin á myndini

 
Er kopiera
Nýggjastu sendingar í ÚV
Fríggjadag 16. mai
Guðstænasta í Havnar kirkju
191963
Hósdag 15. mai
RagnarRokk 15.mai 2025
191031
Nýggjastu sendingar í SV
Fríggjadag 16. mai
KAKUMiKS (7:7)
191925
Fríggjadag 16. mai
Guðstænasta úr Havnar kirkju
191959
Fríggjadag 16. mai
Útilív 5:6 - teknmálstulkað
191887
Fríggjadag 16. mai
Útilív 4:6 - teknmálstulkað
191955