Fer at taka eitt "álvarsprát" við Páll

03.07.2019 - 07:55
AktueltPolitikkur
Fer at taka eitt "álvarsprát" við Páll
Høgni Hoydal, formaður í Tjóðveldi, fer at "taka eitt álvarsprát" við Páll á Reynatúgvu, sum alment húðflongir formannin
- Menningarkvoturnar, sum alt hetta snýr seg um, er eitt ómetaliga trupult mál, sigur Høgni Hoydal m.a. í samrøðu um verbala álopið hjá Pálli á Reynatúgvu á seg
Mynd: savnsmynd  

Beint eftir almenna álopið hjá Pálli á Reynatúgvu á sín egna floksformann kom Høgni Hoydal í útvarpsstovuna at viðmerkja stríðsmálið.
- Hetta eru alt ov hvøss orð at brúka í einum slíkum máli, sigur Høgni Hoydal, sum "fer eitt taka eitt álvarsprát" við Páll á Reynatúgvu.
Stutt eftir, at  Høgni Hoydal, landsstýrismaður hevði kunngjørt, hvør fær ársins menningarkvotur, legði Páll á Reynatúgvu eftir sínum floksformanni á facebook. Undir yvirskriftini, "Molar til Sandoynna", skrivar hann, at Høgni Hoydal manglar evnini at avgreiða mál, at hann brúkar metingarnevndina sum politiskt skálkaskjól, og at hann sjálvur nú ætlar at stilla upp til løgtingsval sum "mótvekt" til formannin og hansara leiðslu av flokkinum.

Hann leggur afturat á sínum facebook-vanga, at "roknast skal ikki við knæfalli" frá sínari síðu.
Trýst á pílin og hoyr um opna stríðið í Tjóðveldi, nú løgtingsval stendur fyri durum, og samrøðuna við Høgna Hoydal, formann í Tjóðveldi og landsstýrismann í fiskivinnumálum

 
Er kopiera

Tak niður

Nýggjastu sendingar í SV
Hósdag 29. juli
Tingið verður sett
127016
Hósdag 29. juli
Guðstænasta úr Havnar kirkju.
127005
Mikudag 28. juli
Á ólavsøku
126992
Mikudag 28. juli
Video: 5mf gentur, ólavsøka 2021
126991
Mikudag 28. juli
Video: 10mf, ólavsøka 2021
126990