Við síðurnar av er møsn

14.11.2019 - 12:35
Lívsstílur
Við síðurnar av er møsn
Tað ber ikki til at sita ella skjóta við síðurnar av, tí tað merkir báðumegin við
0 seconds of 0 secondsVolume 90%
Press shift question mark to access a list of keyboard shortcuts
00:00
00:00
00:00
 
Savnsmynd

'Og bólturin fer við síðurnar av',  'eg siti við síðurnar av'.

- Hetta er rætt og slætt møsn, sigur Elin Henriksen, málkøn, tí tá síðurnar verða brúktar, er talan um fleiri síður. 

Tað ber til dømis ikki til at sita við síðurnar á einum persóni. Um ein sigur, at 'hann situr við síðurnar á/av henni', situr hann báðumegin við. Tað sama er galdandi um at skjóta ella kasta bóltin og raka 'við síðurnar av málinum'.  

- Um so er, brotnar bólturin í helvt, og hvør helvtin fer til sína síðu av málinum, greiðir Elin Henriksen frá.

Hon mælir til at siga, at spælarin rakar ikki málið, ella hann rakar við síðuna av málinum.

Undir øllum umstøðum kann síða bert vera í eintali í hesum dømunum.

Við síðuna á ella av

'Sita tvey lið um lið, so situr hann undir liðini á henni'.

Í nýggjari tíð er hetta í skriftmáli vorðið til:

  • 'Hann situr við síðuna á henni' og í talumáli:
  • 'Hann situr við síðuna av henni'.

Hetta seinna er nú eisini góðkent í skriftmáli.

- Er onkur, sum fegin vil vanda sær um málið, so er tað kortini betri at siga ella skriva 'undir liðini á' ella 'lið um lið', sigur Elin Henriksen.

 
Er kopiera

Sí eisini

10.03.22
136736
06.09.21
128226
Nýggjastu sendingar í ÚV
Nýggjastu sendingar í SV
Mikudag 11. juni
Dagur og vika - teknmálstulkað
193101
Týsdag 10. juni
Veðrið
193072
Sunnudag 8. juni
Andakt við Bergi Debes Joensen
192984
Sunnudag 8. juni
Guðstænasta úr Havnar kirkju
192979