Vinarlag rakt av mutursgølu

- Vit hava samstarvað í 25 ár og eru persónligir vinir. Tí fóru nógvir tankar gjøgnum høvdið, tá hetta kom fram, sigur Anfinn Olsen, stjóri í Framherja.

Til fyri tveimum døgum síðani var Tórstein Már Baldvinsson nevnarformaður í Framherja í Fuglafirði, sum hann eigur saman við Anfinn Olsen og konu hansara Elisabeth Eldevig.

Fyri góðari viku síðani varð avdúkað, at Samherji, sum er íslendska felagið hjá Tórsteini Már Baldvinsson, hevur mutrað politikarar í Namibia, fyri at fáa hendur á kvotum.

Umfatandi kanning er nú í gongd av íslendska felagnum, og Anfinn Olsen umhugsar at seta kanning í verk í sínum føroyska felag.

Hoyr longri samrøðu, sum varð gjørd í Breddanum mikudagin 20. november.