Neyðugt at matchfixing kemur á skránna

Jarvin F. Hansen, formaður í antidopingnevdini hjá ÍSF, fegnast um, at lóg nú kemur í Føroyum, sum skal basa mutri - matchfixing - í ítrótti.

- Tað er alneyðugt, at hetta verður sett á skránna, sigur hann.

Eitt uppskot um, at Føroyar skulu hava egnar reglur fyri doping og matchfixing, er í løtuni til hoyringar.

Ætlanin er, at ÍSF skal hava eftirlit við bæði doping og mutri í ítrótti.