Sleppa ikki av við ruskið

Tað ringasta er, at ruskið sleppur ikki av oynni, og nógvur fuglur er, sum kann gera seg inn á tað.

Tað sigur Magni Garðalíð á Húsum, nú eingin farmatúrur hevur verið í Kalsoynna hesa vikuna.

Men ein bátur kom tó í oynna gjár við millum annað alifóðri og hoyggi, sigur hann.

Eingin farmasigling hevur verið í Kalsoynna hesa vikuna.

Orsøkin er, at Ternan, sum skal sigla við farmi á Kalsoyarleiðini týsdag og hósdag, meðan Sam er á beding, fær ikki siglt á Kalsoyarleiðini, tí kølivatnspumpan er í ólagi.

Annars siglir Jósup við ferðafólki fyri Sam, meðan Sam er á beding.