- Tíðindi, mentan og ítróttur
Nýggj ferðaætlan til almenna hoyring
Nýggj ferðaætlan til almenna hoyring
Erla Kongsdóttir fer aftur at avloysa á Nólsoyarleiðini, tá Ternan fer at avloysa Teistan og Sam í summar
Strandferðslan ætlar, at Erla Kongsdóttir aftur skal vera avloysaraskip á Nolsoyarleiðini í summar, tá Ternan avloysir Teistan og Sam
26.04.2021 - 15:18
Ferðaætlanin hjá Erlu Kongsdóttur fer nú til almenna hoyring, sigur Strandferðslan.
Eftir ætlan fer Erla Kongsdóttir aftur at avloysa á Nólsoyarleiðini, tá ið Ternan fer at avloysa Teistan og Sam, ið skulu til kravda klassing og eftirlit í mai - juli.
Stutta siglingartíðina
Strandferðslan hevur gjørt eina nýggja ferðaætlan á leiðini, sum ætlandi verður sett í verk, tá almenna hoyringsfreistin er úti.
Royndirnar við Erlu Kongsdóttur vísa, at til ber at stytta um siglingartíðina við 5 - 10 minuttum, sigur Strandferðslan.
Hetta gevur rúm fyri broyttari ferðaætlan við fleiri styttri túrum. Hoyringsfreistin til ferðaætlanina hjá Erlu Kongsdóttir er til mánadagin 3. mai.
Er kopiera
Nýggjastu sendingar í ÚV
Nýggjastu sendingar í SV
