Brek á fipurkaðali - fleiri tænastur skerdar

Brek er á fipurkaðalinum millum Hvítanes og Raktanga, og tí eru fleiri fjarskiftistænastur skerdar í løtuni.

Arbeitt verður við at umleggja sambandið millum Streymoynna og Eysturoynna fyribils, men fipurkaðalin, sum er farin, verður ikki umvældur, fyrr enn tað viðrar, sigur Páll Vesturbú, stjóri í Neti.

FM-sendarin hjá Kringvarpinum í Vestmanna er eisini í ólagi, men fólk frá Neti fara at umvæla hann so skjótt, tað viðrar.

Møguleikar eru eisini á hoyra útvarpið á internetinum.