Corona ávirkar búskaparvøksturin altjóða

Samlaði kostnaðurin av Corona smittuni í Kina verður mettur at vera 300-400 milliardir dollarar ella 3.000 milliardir danskar krónir.

Búskaparvøksturin í Kina minkar helst við meira enn tveimum prosentum, sigur Sigmundur Ísfeld, sendimaður í Kina.

Sambært greining hjá Oxford Economics kann vøksturin í samlaða heimsbúskapinum minka úr 2,3 til 1,1 prosent í 2020.

Metingin byggir á eina støðu har ein stórur partur av arbeiðsorkuni ikki er arbeiðsfør ella ikki sleppur til arbeiðis.

Í Danmark er metingin, at verður Corona ein sokallað pandemi minkar vøksturin úr 1,3 prosentum niður í 0,9 prosent og tað merkir eini 3.500 færri arbeiðspláss.

Hvussu fer hetta at merkjast í Føroyum? Vit tosa við Maritu Rasmussen, stjóra í Vinnuhúsinum og Djóna Højgaard, formann í Búskaparráðnum.