Ferðafólk til Suðuroyar vórðu hildin aftur

Vaktarfólk á Smyrli hildu í gjárkvøldið 16 ferðafólkum aftur, sum ætlaðu sær til Suðuroyar við Smyril, tí tey vóru komin við flogfarinum úr Danmark.

Coronabólkurin á Strandferðsluni gav boð um ikki at loyva teimum umborð.

Meðan ferðafólkini vórðu hildin aftur, ráðførdi Strandferðslan seg við kreppuráðið og landslæknan um, hvussu tey skuldu bera seg, men boðini vóru, at  ferðafólkini kundu fara umborð á Smyril.

Hoyr Jóhan Petur Abrahamsen, rakstrarleiðara á Strandferðsluni, í útvarpstíðindunum.