Minni foreldragjald í Klaksvík kostar 600.000 kr.

Klaksvíkar kommuna fer at endurrinda foreldrum, sum ikki brúka dagstovnarnar í løtuni, foreldragjaldið, nú koronasmittan herjar.

Tað fer í fyrstu syftu at kosta kommununi 600.000 kr.

Dennis Holm, formaður í Kommunufelagnum, sigur, at tað stendur til hvørja kommunu sær at gera av, hvat gjørt verður á dagstovnaøkinum, men tá tíðin er búgvin, eiga Kommunufelagið og landsstýrið at tosa saman, um hvør skal gjalda rokningina.