Korona skuggar fyri øðrum í heilsuverkinum

Koronatilbúgvingin ger, at tey, sum ikki hava korona, eisini verða rakt av korona, ásannar landsstýrismaðurin í heilsumálum.

Tað ger hann, eftir at tað er komið fram, at fólk ikki fingu samband við palliativu eindina á Landssjúkrahúsinum, og at fólk við øðrum sjúkum enn korona aftra seg við at venda sær til kommunulæknan.

Kaj Leo Holm Johannesen viðgongur, at koronatilbúgvingin hevur sína avleiðingar, og at mistøk fara at henda.