Framtak: Treytirnar verða ikki broyttar

Framtak er til reiðar at seta tilsamans 30 milliónir krónur sum váðafúsan kapital í ferðavinnufyritøkur.

Hóast grunnurin nú er vorðin partur av hjálparpakka 3 hjá landsstýrinum, verða treytirnar tó tær somu, sum tá grunnurin setir pengar í aðrar fyritøkur.

- Vit skulu trúgva upp á fyritøkuna, og onnur skulu eisini koma við pengum, sigur Christian Danielsen, nevndarformaður í Framtaki.