Seks flogskiparar settir í starv

Atlantic Airways hevur í morgun sett seks flogskiparar í starv. Tveir eru settir í fast starv, og fýra eru settir í fríyrkisstarv.

Vanligt er, tá ið flogskiparar verða settir í starv, at reglurnar um starvsaldur verða fylgdar. Men starvsaldur er ikki einasta atlit, sum er tikið, tá ið hesi størvini eru sett, sigur Jóhanna á Bergi, stjóri í Atlantic Airways.

Jóhanna á Bergi vísir aftur, at Atlantsflog hevur borið seg skeivt at í sambandi við, at flogskiparar vórðu sagdir úr starvi fyrr í ár, og flogfelagið er til reiðar at lata Fasta Gerðarrættin avgera ósemjuna, sigur hon.