Samstarv í staðin fyri samanlegging

Smáu kommunurnar hava betri samband við borgaran, og nærdemokratiið ger, at tíðin als ikki er farin frá smáum kommunum í Føroyum.

Tað sigur borgarstjórin á Eiði, Jógvan í Skorini, sum ikki tekur undir við at tvinga kommunur at leggja saman.

Torbjørn Jacobsen, borgarstjóri í Runavíkar kommunu, hevur sagt, at tað eru alt ov nógvar smáar kommunur í Føroyum, sum ikki megna at lyfta uppgávuna, nú fleiri øki eru løgd til kommunurnar at umsita, og fleiri øki kanska koma aftrat.