Nú skulu ferðafólk rinda fyri koronukanning

Frá 1. oktober skulu ferðafólk sjálvi rinda fyri at verða kannað fyri koronu, tá ið tey koma til landið.

Hetta verður eisini galdandi fyri tey, sum longu hava goldið ferðaseðil.

Løgmaður leggur nú uppskot fyri tingið, so at neyðug lógarheimild fæst til tað.

Higartil hevur landið goldið fyri koronukanningar. Bárður á Steig Nielsen veit ikki, hvussu nógv tað hevur kostað, men tað er ið hvussu er nakrar milliónir, sigur hann.