Øll løgtingsfólk skulu kannast fyri koronu

Nú byrjar endaspurturin í tingarbeiðnum upp undir jól.

Tað ber í sær, at tingfólk og landsstýrisfólk vera nógv í tingsalinum í senn, kanska eini 40 fólk tilsamans, og tey sita tætt saman.

Fyri at binda um heilan fingur, hevur formansskapurin gjørt av, at øll tingfólk skulu lata seg kanna fyri koronu í dag og aftur í næstu viku.

Jógvan á Lakjuni, løgtingsformaður, leggur dent á, at eingin er smittaður.

Ætlanin er, at løgtingið skal fara í jólafrí 18. desember.

Hoyr samrøðu, sum Tróndur Olsen gjørdi við løgtingsformanninum í útvarpstíðindunum.