Ætla at skipa fyri føroyskum Oyggjaleikum næsta ár

Tað er sera óheppið, at ítróttarfólk nú noyðast at bíða í trý aftrat eftir næstu Oyggjaleikunum, sigur Elin Heðinsdóttir Joensen, forseti í Ítróttarsambandi Føroya, nú Oyggjaleikirnir, sum skuldu vera á Guernsey næsta ár, eru útsettir til 2023.

Hon sigur at sersambondini í ÍSF arbeiða við einari ætlan um at skipa fyri føroyskum Oyggjaleikum næsta summar. Allar ítróttagreinir undir ÍSF sleppa við.

Føroysku Oyggjaleikirnir verða eftir ætlan frá 8. til 11. juli.