Ikki grundarlag at biðja um varðhaldsfongsling

Grundarlag var ikki fyri at fáa mannin, sum týskvøldið fór inn í heimið hjá einum politisti og legði á hann og hótti teir, sum tóku hann, eftir lívinum, varðhaldsfongslaðan.

Tí varð maðurin latin leysur í gjárkvøldið. Men hann er skuldsettur.

Hendingin týskvøldið var í høvuðsstaðnum. Maðurin, sum er skuldsettur, er tilkomin.

Hann er í hálvtrýssunum og býr í Havn.

Hoyr samrøðu við Hera Andreassen, leiðara á kanningardeildini hjá politinum, í útvarpstíðindunum.