Bíða eftir fundarboðum úr Bretlandi

Føroyskir myndugleikar hava biðið bretskar myndugleikar um fund um viðurskiftini hjá føroyskum lesandi í Bretlandi, nú teir hava boðað frá, at skúlagjaldið fer at hækka munandi.

- Vit bíða eftir fundarboðum, sigur Jenis av Rana, landsstýrismaður.

Hann sigur, at Undirvísingar- og mentamálaráðið fer at royna at fáa bretar at ganga við til, at gjaldið verður á einum rímiligum stigi, t.e. tað sama sum nú.

Jenis av Rana væntar, at ein loysn verður funnin fyri 1. august, tá skúlagjaldið í Bretlandi hækkar.

Hoyr samrøðu við landsstýrismannin í útvarpstíðindunum.