Posthúsið á Oyrarbakka letur aftur

Posthúsið á Oyrarbakka letur aftur mikudagin.

Joel undir Leitinum, stjóri í Posta, sigur, færri og færri hava ørindi á posthúsi longur, men ætlanin er ikki at lata onnur posthús aftur.

Tá posthúsið á Oyrarbakka letur aftur, eru seks posthús eftir í landinum.

Borgarstjórin í Sunda kommunu, Jógvan Kruse, harmast, at tænastan hjá Posta fer úr staðbundna økinum, men hann fegnast eisini um, at tænastan á útberingarøkinum er vorðin betri.

Sunda kommuna skal brúka hølini hjá Posta til at hýsa barnarverndartænastuni hjá Veks.

Hoyr innslag í útvarpstíðindunum.