Andstøðan kann fáa meirilutan í uttanlandsnevndini

Bill Justinussen, formaður í uttanlandsnevndini, heldur tað ikki vera eitt gott hugskot, at allir flokkar í tinginum verða umboðaðir í uttanlandsnevndini, soleiðis sum løgmaður hevur skotið upp.

Bárður á Steig Nielsen, løgmaður, segði í tinginum í síðstu viku, at samstarvið millum løgtingið og landsstýrið eigur at verða broytt, so tingið í størri mun verður tikið við í viðgerðina, tá Føroyar fáa loyniligar upplýsingar.

Men Bill Justinussen er ivasamur. Hann vísir á, at tað er landsstýrissamgongan, sum stendur fyri uttanríkispolitikkinum, og skulu allir flokkar fáa umboðan í uttanlandsnevndini, er vandi fyri, at andstøðan fær leiðsluna í nevndini.

Hoyr innslag í útvarpstíðindunum.