Nú skal støða takast til Hoydalar

Tórshavnar kommuna hevur sett freist til 5. mars, hvat skal gerast við bygningarnar í Hoydølum.

Samráðingar eru millum kommununa og Uttanrikis- og mentamálaráðið um, at kommunan yvirtekur gamla skúlabygningin í Hoydølum, og at Uttanríkis- og mentamálaráðið yvirtekur Venjingarskúlan.

Ein kanning, sum spyr.fo hevur gjørt, vísir, at 60 prosent av teimum spurdu vilja hava eldra- og lestraríbúðir í Hoydølum. 25 prosent hava onga meining um, hvat skal gerast við økið, og 14 prosent svara, at Hoydalar skulu fáa frið.

Hoyr samrøðu við Heðin Mortensen, borgarstjóra, í útvarpstíðindunum.