'Quicktest' á føroyskum

Eitt av mongum orðum, sum hevur tikið seg upp, eftir at koronuvirusið kom til Føroya, er enska orðið, 'quicktest'. Tað ber til at taka quicktest fyri koronu. Hvussu siga vit quicktest á føroyskum?

Føroysku boðini upp á 'quicktest' eru fleiri í tali, so sum snarkanning, skundkanning, snarroynd, skundroynd, bráðroynd, bráðkanning.

Elini Henriksen dámar best snarkanning, men hon ásannar, at tað orðið vinnur, sum fyrst og fremst brúkararnir taka til sín.