Fíggjarliga ráðiligt at seta myllur upp

- Vit halda, at tað er fíggjarliga ráðiligt at lata Vindrøkt seta vindmyllur upp á Gellingarkletti nú.

Tað sigur Sigurð í Jákupstovu, stjóri á Umhvørvisstovuni, eftir at stjórin í Kommunufelagnum um vikuskiftið fanst hvassliga at Umhvørvisstovuni fyri at leggja eina stóra eykarokning á brúkaran.

Ósemjan millum SEV og Umhvørvisstovuna snýr seg um útboðið av Gellingarkletti, sum Vindrøkt hevur vunnið. Vindorka hevur eina avtalu við festaran, Sigert Paturson, um at brúka lendið.

Gellingarklettur er eitt av bestu plássum í Føroyum til vindmyllulundir.

SEV bjóðaði í 2019 upp á Gellingarklett, men vann ikki útboðið, tí felagið hevur ikki atongd til lendið.

Hoyr innslag í útvarpstíðindunum.