Nú fáa vit 10.400 skamtar av koppingarevni

19.04.2021 - 13:18

Innlendis›Heilsa

Landsstýrismaðurin í heilsumálum fer at broyta kunngerðina um koppseting

Aktivera javascript

Næstu 14 dagarnar koma fleiri enn 10.000 skamtar av koppingarevni til landið. Henda myndin er av koppseting á Klaksvíkar sjúkrahúsi

Næstu 14 dagarnar koma 10.400 skamtar av koppingarevni fyri koronu til landið. Talan er um koppingarevni frá Pfizer.

Avgerð er tikin um, at øll yvir 16 ár skulu kunna koppsetast fyri koronu. Tí fer landsstýrismaðurin í heilsumálum at broyta kunngerðina um koppseting.

Tá koppsetingarætlanin byrjaði, vóru 12 bólkar í ætlanini, og tað hevur gingið væl at koppseta, sigur Kaj Leo Holm Johannesen, landsstýrismaður í heilsumálum.